Ruandaning Rubavu tumani, Gʻarbiy provinsiyada 2023-yil, 3-may kuni yuzaga kelgan tabiiy ofatlar oqibatida aholi xonadonlari suv ostida qolgan.
Ruanda hukumati matbuot kotibi oʻrinbosari Alen Mukurarindaning aytishicha, soat 15:30 ga kelib qurbonlar soni 129 kishiga yetgan.
“Endi bizning asosiy vazifamiz har bir jabrlangan fuqaroning uyga yetib borish va ularni qutqarish, turli koʻngilsizliklardan muhofaza qilish”, – dedi Ruandaning Gʻarbiy viloyati gubernatori Fransua Habitegeko.
Habitekyoning aytishicha, tabiiy ofat oqibatida Sebeya daryosi qirgʻoqlaridan toshib ketgan.
Prezident Pol Kagame oʻz bayonotida uning hukumati jabrlanganlarga, jumladan, vaqtincha koʻchirish ishlariga yordam berayotganini maʼlum qilgan.
Bundan tashqari, toshqinlar qoʻshni Ugandaning Ruanda bilan chegaradosh togʻli hududida, janubi-gʻarbiy Kisoro tumanida ham bir kechada olti kishining umriga zomin boʻlgan.
Qayd etilishicha, mazkur ikki mamlakatda mart oyining oxiridan beri kuchli va uzoq davom etuvchi yomgʻir yogʻmoqda.
Ugandaning Rvenzori togʻlari yaqinidagi Kasese kabi boshqa togʻli hududlarida ham koʻchkilar kuzatilgan, bu yerda turli toshqinlar uylarni vayron qilgan. Oqibatda yuzlab odamlar oʻz xonadonlarini tark etishga majbur boʻlgan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!