Skandinaviya mamlakatlari tashqi ishlar vazirlari Ukraina prezidenti Volodimir Zelenskiy bilan uchrashish masalasini ko‘rib chiqmoqda.

Qayd etilishicha, Norvegiya tashqi ishlar vaziri Anniken Xuitfeldt NRK telekanaliga bergan intervyusida Skandinaviya mamlakatlari tashqi ishlar vazirlari bilan birgalikda Kiyevda Volodimir Zelenskiy bilan uchrashish imkoniyati ko‘rib chiqailayotganini ma’lum qildi.

Avvalroq, Zelenskiy Rossiya doimiy a’zo sifatida veto huquqiga ega bo‘lgan BMT Xavfsizlik kengashidagi chiqishida Kengashning o‘zini tarqatib yuborish yoki Rossiya Federasiyasini uning a’zoligidan chiqarishni taklif qildi. 

BMT Nizomiga ko‘ra, Xavfsizlik Kengashining doimiy a’zosi roziligisiz hech qanday qaror qabul qilinishi mumkin emas.

“Endi bizga BMT Xavfsizlik kengashining Ukrainada tinchlikni tiklashga qaratilgan qarorlari kerak. Agar bunday qarorni qanday qabul qilishni bilmasangiz, unda siz ikkita narsani qilishingiz mumkin: Rossiyani tajovuzkor va urush manbai sifatida chetlab o‘tish, uning tajovuzkorligi va urushiga oid qarorlarni bloklay olmaysiz. Xavfsizlik tizimini isloh qiling yoki boshqa yo‘l va muqobil bo‘lmasa, barchangiz o‘zingizni tarqatib yuboring”, – dedi Zelenskiy Xavfsizlik kengashida so‘zlagan video muloqotida.

Uning fikricha, BMT Rossiyaning Ukrainada davom etayotgan maxsus “harbiy amaliyoti”ga samarali javob bera olmaydi. Bunday sharoitda Ukraina Kiyevda global xavfsizlik tizimini isloh qilishga bag‘ishlangan global konferensiya o‘tkazish tashabbusi bilan chiqmoqda.

• BMT
• Norvegiya
• Rossiya
• Skandinaviya
• Ukraina