Avvalroq Kinematografiya agentligi bosh direktori Firdavs Abduxoliqov yaqin qarindoshlari ta’sischiligidagi “Master Media Production and Broadcast” MChJ (“Sevimli” telekanali)ning manfaatlarini ko‘zlab, davlat byudjetidan 1,8 mlrd. so‘m 1,8 mlrd. so‘m miqdordagi pul mablag‘larining ajratilishiga erishib, qonun buzilishi holatlariga yo‘l qo‘yganligi haqida ma’lum qilingan edi. Ushbu ayblovlar bilan boshlangan sud ishi Agentlik direktorining 8 million so‘mlik jarimaga tortilishi bilan yakunlandi.
Ijtimoiy tarmoqlarda esa sudning ushbu qaroriga nisbatan jamoatchilik tomonidan turli munosabatlar bildirilmoqda.
Huquqshunos-bloger Shahnoza Soatovaning sud materiallariga tayanib yozishicha, Agentlik nafaqat “Sevimli” telekanali bilan balki “Zo‘rTV” va “Mening yurtim” telekanallari bilan teng qiymatda seriallar olish bo‘yicha hamkorlik qilgan. E’tiborli jihati, ushbu loyihalar sherikchilik asosida amalga oshirilgan. Ya’ni 50 foizni pulni agentlik tikkan bo‘lsa, qolgan yarmini telekanallar qo‘shgan. Abduxoliqov bunga investitsion loyiha sifatida qaragani va seriallar suratga olish bo‘yicha byudjetni ikki karra iqtisod qilishni maqsad qilganini ma’lum qilgan. Lekin yangi qonunchilikka ko‘ra ehtimoliy manfaatlar to‘qnashuvi haqida Moliya vazirligini ogohlantirmagan.
Hozirgi kunda “Sevimli” telekanali “Tuzoq” seriali uchun agentlik qo‘shgan hissani byudjetga qaytarilgan. Advokat bu vaziyatda byudjet pullari maqsadsiz sarflanmagani, pullar qaytarilgani, boshqa kanallarga ham teng imkoniyat berilgani va investitsion loyiha ekanligini suddan inobatga olishlarini so‘ragan.
“Albatta, manfaatlar to‘qnashuvi rostdan borga o‘xshaydi, biroq Prezident qarorida “telekanal auditoriyasi va reytingini hisobga olgan holda”degan shartni inobatga olsak, “Sevimli”ning bu ro‘yxatga kirishi tabiiydek. Faqat manfaatlar to‘qnashuvi to‘g‘risida ogohlantirilmagan va shu uchun ham F.Abduholiqov javobgarlikka tortildi.
Ushbu keys O‘zbekistonda manfaatlar to‘qnashuvi bilan gumonlanib, jarimaga tortilgan ilk mansabdor sifatida pretsedent bo‘ldi”, – deydi Shahnoza Soatova.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!