31°
Кечаси 18°
Кеча, Россия Ташқи ишлар вазири Сергей Лавров Украинадан ғалла экспортига тўсиқни олиб ташлаш бўйича музокаралар ўтказиш учун Туркияга ташриф буюрди. Музокаралар асосан Украина донини олиб кетаётган кемалар учун хавфсизлик йўлагини очишга қаратилди.
Россия Ташқи ишлар вазирининг таъкидлашича, агар Киев ўз ҳудудий сувларини миналардан тозаласа ва миналарни тозалашда ҳарбий мақсадларда фойдаланмаса, Москва навигация хавфсизлигини кафолатлашга тайёр. Лавров шунингдек, Россия томони БМТ воситачилигида ушбу масала бўйича музокаралар олиб боришга тайёрлигини маълум қилди.
"Биз бугун ғаллани манзилларга бемалол ташиш мумкинлигини тушунтирдик. Россиядан ҳеч қандай тўсиқ йўқ. Агар жаноб Зеленский буюруқ берса, хориж ва Украина кемалари Қора денгиз орқали кириши мумкин”, дейди Россия Ташқи ишлар вазири Сергей Лавров.
Украина ташқи ишлар вазири Дмитрий Кулебанинг айтишича, Киев биринчи навбатда БМТ орқали портларни блокдан чиқариш бўйича музокаралар олиб бормоқда. Унинг сўзларига кўра, бу ерда Украинанинг хавфсизлик манфаатлари юз фоиз инобатга олиниши, қирғоқни ҳимоя қилиш учун етарлича қурол бўлиши ва дон экспорти вақтида кемаларни патруль кемалари ҳимоя қилиши керак. Ана шунда Украина ишониши мумкин бўлган мамлакатларнинг кемалари Украина портларига кириши мумкин, шу жумладан Туркиянинг ҳам.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
